Plantun de Prouvènço

Pèr coumpara dos planto d'encò nostre

Myosotis congesta & Crepis foetida subsp. foetida

Te-vese-e-t'ame(-di-flour-sarrado)

Myosotis congesta

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis à fleurs serrées.

Descripcioun :
Aquéu te-vese-e-t'ame trachis dins li tepiero sablouso, séusouso e umido. Au nostre se vèi soulamen en Prouvènço séusouso. Douno d'èr à Myosotis ramosissima, mai li flour soun mai sarrado, emé de pecou courtet e mens clina. La baso di petalo èi roujo e souvènt gounflo. Pensa de coumpara emé lis autri te-vese-e-t'ame en quichan sus la flècho verdo çai-souto.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 3 à 15 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 3 mm
Flourido : Printems

Sòu : Si
Autour basso e auto : 0 à 600 m
Aparado : Noun
Mars à mai

Liò : Tepiero sablouso umido - Ermas
Estànci : Termoumediterran à Mesoumediterran
Couroulougi : Estenoumediterrano-Nord
Ref. sc. : Myosotis congesta Shuttlew. ex A.Albert & Reyn., 1891

Mourre-pudènt

Crepis foetida subsp. foetida

Asteraceae Compositae

Àutri noum : Poutarié-pudènto, Mourre-de-porc.

Noms en français : Crépide fétide, Barkhausie-fétide.

Descripcioun :
Lou mourre-pudènt es uno planto coumuno que se rescontro à la fin de l'estiéu. Lou biais lou mai eisa pèr lou recounèisse, èi de freta uno fueio dins la man e de la senti... Aquelo subsp. se destrìo de Crepis foetida subsp. rhoeadifolia qu'a de péu proun glandulous sus li bratèio de la flour coumpausado. Peréu tóuti li boutoun de flour retoumbon eici.

Usanço :
Lou mourre-pudènt emé soun óudour e soun marrit goust èi pas bon à manja en ensalado. Aleva acò, couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Crepis
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Champ - Camin - Colo
Estànci : Pancaro entresigna
Couroulougi : Pancaro entresigna
Ref. sc. : Crepis foetida subsp. foetida L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Myosotis congesta & Crepis foetida subsp. foetida

ges

Coumpara Te-vese-e-t'ame(-di-flour-sarrado) emé uno autro planto

Coumpara Mourre-pudènt emé uno autro planto